وكأنّك مش إنت (باللهجة اللبنانيّة) | !As if it's not you

⠀⠀⠀︵︵︵︵⠀⠀ׅ⠀⠀⠀ּ⠀╭────╮

╭┈⠀ᴡᴇʟׄᴄᴏᴍᴇ ᴛᴏ : ᴍʏ ʙʟᴏɢ ⠀᷼ ⠀⃧⠀╮

╰──┈ :eight_pointed_black_star: 雲ϑのように美しい !   ─ ╯

⠀︶︶︶︶⠀⠀────╯⠀⠀⠀

╭───┈┈╮   ᴇɴᴊᴏʏ : :eight_pointed_black_star: ┈┈──╮

╰──┈┈   美しい目 ⠀יִ    ┈┄──╯

وكإنّك مش إنت...

مش هويّي اللي كنت سهران بعيونو،

مش هويّي اللي لياليه كنت عدّ نجومها بين تنهيداتي.

وكإنّي ما عرفتك،

ما شفتك، ما مرق طيفك ع قلبي،

مرقِت... بس غريب.

سلّمت، بس ما حسّيتك،

ما لمحت فيك شي منّك...

كله غاب، حتى ملامحك ما عادوا يشبهوني.

عنجد؟

عنجد هالمشاعر يمكن تختفي؟

و الحنين بيموت؟

الحب اللي كان فيك، وكان منك... ما عاد إلو مطرح جوّاتي؟

صار غريب، وأنا ما عرفتك.

╭───┈┈╮   ᴇɴᴊᴏʏ : :eight_pointed_black_star: ┈┈──╮

╰──┈┈   美しい目 ⠀יִ    ┈┄──╯

سألت حالي سؤال،

سؤال ما خطرلي يوم،

ولمّا فتّشت عن الجواب... طلع إنت.

إي، إنت.

وكإنّا ما حبّينا،

ما بكينا، ما اشتقنا،

وكإنّا ما قلنا الدنيي بتجمعنا،

وكإنّا ما حلمنا ببيت، وأصواتنا تملاه،

وبعُمر نعيشه سوا، نفس النفس.

وكإنّو كل شي كان... وهم،

وكل شي حلمنا فيه... راح.

وما بقي غير فراغك، وسيرة اسمك.

╭───┈┈╮   ᴇɴᴊᴏʏ : :eight_pointed_black_star: ┈┈──╮

╰──┈┈   美しい目 ⠀יִ    ┈┄──╯

عنجد؟

عنجد ممكن للمشاعر تنطفي؟

وحدا بيصير ما بيشبه حالو،

وحدا كان منّي وفيني، وما بقا بعرفو؟

رجعت اسأل حالي...

وكل مرّة الجواب بيجرح أكتر،

بس بعدو نفسو...

إنت.

إنت، وما حدا غيرك.

بس... ما بقا في رجعة.

ما بقا في "نحنا".

╭───┈┈╮   ᴇɴᴊᴏʏ : :eight_pointed_black_star: ┈┈──╮

╰──┈┈   美しい目 ⠀יִ    ┈┄──╯

#حبر_على_ورق

#وكأنك_مش_أنت

⠀⠀⠀︵︵︵︵⠀⠀ׅ⠀⠀⠀ּ⠀╭────╮

╭┈⠀ ɢᴏᴏᴅʙʏᴇ ᴄ : ʏᴀ ʟᴀᴛᴇʀ ⠀᷼ ⠀⃧⠀╮

╰──┈ :eight_pointed_black_star: 雲ϑのように美しい !   ─ ╯

⠀︶︶︶︶⠀⠀────╯⠀⠀⠀